उपभोक्ताको स्वास्थ्य सुरक्षा तथा हित संरक्षणका लागि मिठाई व्यवसायीले उत्पादन गरेको मिठाई कुन कुन कच्चा पदार्थको सम्मिश्रणबाट बनेको हो, कुन तेल तथा घिउमा तयार गरिएको हो र त्यसमा प्रयोग भएका सामग्रीको विवरण स्पष्ट खुलाउन विभागले आग्रह गरेको हो ।
विभागले मिठाई तयार गर्ने व्यवसायी, मिठाई पसल, मिठाई भण्डार तथा मिठाई व्यवसायीलाई आफूले उत्पादन तथा बिक्री गर्ने मिठाईको विवरण उपभोक्ताले देख्ने गरी राख्न निर्देशन दिएको छ ।
-(1)2026-06-12-12-06-45.png)
2026-06-12-01-06-18.gif)
विभागका अनुसार मिठाईको नाम, मुख्य सम्मिश्रण, तेल वा घिउको प्रकार, उपभोग गर्नुपर्ने मिति र मूल्य प्रतिकिलो स्पष्ट उल्लेख गर्नुपर्नेछ । यसका लागि व्यवसायीले मिठाईको विवरण देखिने स्थानमा राख्नुपर्ने व्यवस्था गरिएको छ ।
विभागले खाद्य स्वच्छता तथा गुणस्तर कायम राख्न मिठाई उत्पादन र बिक्री वितरणमा विशेष ध्यान दिन आग्रह गरेको छ । साथै, खाद्य स्वच्छता तथा गुणस्तरका आधारमा स्तरीकरण गराई ‘खाद्य स्वच्छता लोगो’ लिएर व्यवसाय सञ्चालन गर्नसमेत जानकारी गराएको छ ।
चाडपर्वका समयमा मिठाईको माग बढ्ने भएकाले उपभोक्तालाई सुरक्षित, स्वच्छ र गुणस्तरीय मिठाई उपलब्ध गराउन व्यवसायीले आवश्यक मापदण्ड पालना गर्नुपर्ने विभागले जनाएको छ ।
-(1)2026-06-12-01-06-47.png)
2026-10-18-05-10-50.jpeg)
2026-10-02-03-10-26.jpeg)
प्रतिक्रिया थप्नुहोस्